Karpásokén bramshé mán tawárán ent báry gón
Némchammi chadhekkáé ke chárán ent báry gón
Dardé ke mani zémerán péchán ent majédhy
Zahiré ke tai kessahá árán ent bary gón
Bésodd cha wat, o wati donyáyá ganóké
Tai mohragán dábáni shomárán ent bary gón
Darday hamé dhiwá ke nakoshtag shapay gwátá
É chamm dege wábéay komárán ent bary gón
Chádhé ke tai didagay tásá ent beréchy
Torsé ke mani shahray gobárán ent bary gón
É gwát ke arwáhay sará shanzit zabádán
Sázáni delá dast samárán ent bary gón
É mósomá gónápé nakeshtag mán darigán
É óst goshay jambaré gwárán ent bary gón
Danzé ke Monir rahsarán óshtátag mácháry
Shahmé ke wati dámoná dárán ent bary gón
Monir Mómen
(Yakk Bechilé Ázmán)