Dán kad ganók eshkay bechárit watá borawt
Dorsén darig kór ant, tamáshá kojá borawt
Har tábay dámoná edá kabr ant del o negáh
É péchdárén damkáni táleh kojá borawt
Bell mohragén zahir madóch giray dámoná
Anchén sabakké wánén ke zután delá borawt
Tai shirkenén wadáráni hámén páshk bit
É didagáni tonn pa wábá kojá borawt
Mardom kasánén shahmé begendit, ganók bit
Taw anchó zébdár ay ke sabré sará borawt
Má tai zahiray róshenén danzay mosáper én
Kassé byayt gón má, nabit ent jetá borawt
Anchén gamé beday ke benakashit zamánagá
Bóshtit chó kóhsárá o máray wadhá borawt
Kassé maná cha wahdá jetá mánáé bedant
Pa man edá byayt na gón man chedá borawt
Monir Mómen
(Yakk Bechilé Ázmán)