Róch boddhit shapnasibén morg drangán dar rawant
Jangay kessah pa dapá wassh, shahsawárén sar rawant
Narmén wábjáhán shamósh o sengán taw sarjáh bekan
Tawkalé pádá kan o byá sájuén lashkar rawant
Sarmatábén sarmachandhén sarmachárán ji bebát
Mádaray rakkénagá pa hákay shérén nar rawant
Má nacháret mál o melkat, gwatagén cha har napá
Má nacháret bébaháén sáheg o kápar rawant
Sardhagáray eshká márá sar kotag mán tihorán
Sardhagáray sakkián gón é ganók tánsar rawant
Tájagén pegráni bandók chó Golám Mahmad, Monir
Dáktarén Mannánay dhawlén pegray shahdén bar rawant
Bésamái, hoshk o syáhi nendagá hecchi nabit
Sar gerén byá o Mohim ke may zer o kahchar rawant
Mohim Wáhed