Chammáni tahá má kéch kotag, dastáni delá Bambur kotag
May sénagán rók ent darday cherág, har seng má Kóhe Tur kotag
Del jáhé o jáhé konth o hayál, nám jáhé o jáhé kerd o kamál
Watá métag métag bahr kotag, má marchán wati dastur kotag
Má dróg o rástay wántag sabakk, má distagant zenday rang doén
Ke jáhé watá Perawn kotag o jáhé watá Mansur kotag
Tai náz o adáay donyáyá kotthéntag wati róchá ke sapar
Báléntag delay har dág wati, tai dámon porr cha nur kotag
Má ranj o bazhnay táhápán arsáni shahkawr táchéntag
Ke mehray jenekká kalmánthén wahdé gón mogémán sur kotag
Har ahd o wadáray jangay tahá pa má ke namantag ru o ryá
Tai záher má enjir kotag, tai báten má angur kotag
Tán karnán gédiay delbandá tai darday kessah rók bebit
Má zenday sotkagén mitápá dege ásé padá jambur kotag
Nesár Isop