Máh chér ent padá
Jambaráni tahá
Kalkashánárá geptag moján
Har gwará
Zer tahár ent o
Chágerd wábá shotag
Bramsh morgé nakant
Dur bass yakk cherágé trepit métagá
“Ádege kollén kandil ensertagant”
Man pa ommét rahchár
Shap polletag
Grán o durásarén pegréá kaptagán
Kánchay laybukay paymá tahá proshtagán
Pahk dambortag án
Man tasallá dayán
Del namannit bale
Del namannit ke taw badzobáni kotag
Man dán sohbá wadárá tai neshtagán
Taw nayátkay wati wádaháni padá
Mobárek Kázi