Koj ent menzel, kojá mosáper, sapar pa hóshámay ars grán ent
É némbálén delay kapódar cha némrahá gesar kapán ent
Hamé ke shengant nód o sáwadh, shobén bit zolp botkagant tai
Bojant bégáhay rang o rólah, gomán bit sheng tai goshán ent
Na róch hamráh ent sáhegáni, na sáhegán bit pa rahgwazián
É zendagi chónén áshnáé, na merhbán ent na badgomán ent
Á názbuén badan ke wáb ent may hayáláni réksháná
Á shahdgoptárén máhay darwar ke máh o sáláni dráhián ent
Baháray rangán gón róch dar kayt, maraw bejall bass damáné mahtal
Sabáhay bánór dar kapán ent, shapay janázah mán kópagán ent
Modám kayt sangatáni yádá, hodá salámat bekant Dádá
Magosh ke bégwáh ent zenday ráhán, magosh ke bénám o bénéshán ent
Ali Ján Dád