Némshapi pásán man delá ómán kanán
Bétrahén dardáná mazan ji o ján kanán
Ché dege tai eshkay pakiráni mál o mat
É wati arsán tai sará zarshán kanán
Pa tai eshkay dátagén zaymay ázagá
Gón wati badwáhán rawán diwán kanán
Sad barán zahrán warán angat zendag án
Tai zahir wártag zendagén markán kanán
Béwasén zend o béwasén bahtay ché gonáh
Má ganók án ke zyádahén armán kanán
Bénawá zend ent oo mani shátén hambaló
Wat watá gréwán wat watá wasshán kanán
Atá Shád
