Kay ent ke emrózay chérén rázán chó áshkárá sorénagá entTai zébnákiá gón janán ent, mani tawárá sorénagá ent Tá kad chó bérang o chádh nendán, tá kad é dámon abétk mánitZahiray pádinká zémerénit, gonáhé shárá sorénagá ent Bechár zenday padardén arwáh tai rangá bandikéá gón bastagÉ tonnién bégahá kapótáni har katárá sorénagá ent Tai darday Sarjamá Bwány
Jámagay zenchek, sarig o shál hónén ant maniMiri pág o mangehén dazmál hónén ant mani Mahsharén Kwaythah maróchi Karbalá ent, KarbaláPa bahárgáhi jodhé, dhokkál hónén ant mani Béwasi gerrán án marchi ke sadhakkáni saráBánzol ant thappi, shekastén bál hónén ant mani Shapcherágé ay, bebal áshóbhinárén shapánMáh hónán michal ent, estál hónén ant mani Kongorén baccháni Sarjamá Bwány
Golay malgórán mesk o ambarénánKanán yát o wati kollá zarénán Mani sostén rawáján chósh macháretShomárá yak pa yakká man rasénán Agán ómán bant ent dard o armánGamáni porrén dombálán srapénán Maná bass ent wati lassáén áhugMayáret pa man górán máhalénán Zahiron bit per bandán do say gálAgán bégam bayán thappán kodénán Pa harrangé kanán nyádé Sarjamá Bwány
Cha golay molká bé sar o sámáná shotánÉ delay gamwár at, gamá sátháná shotán Gón ganók o déwánag o shaydáén saráGréshag o kóh o kandhagán derráná shotán Dozhmenén dóstá gwánk jatat, sharr yát ent manáCha watá brát o hambalán sendáná shotán Delbaray nátorsén delay wáheshtay padáRóché sad randá gón delay armáná shotán Gón janán at Sarjamá Bwány
Eshkay waylay shekár buán antMorg may hamtawár buán ant Dóst o yáráni surmagén gellahJangaléay gobár buán ant Chónén háméné ke drachkáni saráRang tai áshkár buán ant Taw nayátkay o poll óstániNun sarichkáni hár buán ant Menzeláni cherág mortant MonirKeshk ham béwadár buán ant Monir Mómen (Yakk Bechilé Ázmán)
Taháriá gamay lashkar, cherág tahná entCha rozhnay ásjahá dar, cherág tahná ent Shapay gobárén anichak satar tahárdém entManá cherágay wadhá bar, cherág tahná ent Abétk abétk goshay bé taw kollén jáh o damagPadá kadi kanay wátarr, cherág tahná ent É shahrá kór sarók ant o kór rahdarbarGelag kanay nakanay sharr, cherág tahná ent Talab kassá Sarjamá Bwány
Dard o mahram bebán kojá borawánSár o barjam bebán kojá borawán Shap taw ay, shahr taw, cherág taw ayNun man jahndam bebán kojá borawán Tir zébáiay kamáná entMorgán gón ram bebán kojá borawán Gón tai loddhagán malarzit delIncho mohkam bebán kojá borawán Sáheg ay zerday, ápsar ay chammayBé taw sarjam bebán kojá borawán Monir Mómen
Shap bójigé sázag bitWáb cherágé hálag bit Gwátá josté dastá entDaryá chón bádénag bit Tai malgóray kaypay mojáBégáh chammé srumag bit Áp kawárá nesht nakantÁs delá pahrézag bit Anchóke taw rást goshayDróg ón anchó bandag bit Gwátá maktab matth kotagÁsá rasm, rabédag bit Gón má zendag bu zánayLahté zahr hawádag bit Sénag halké ábádénMehr mabit Sarjamá Bwány
Shishagén wáb o dráhián próshayNeshtagay proshtagén botán próshay Kandán kandáná holkahán próshayAnchóke jawzi dánagán próshay Didagán dám o móchkén chetantTaw ke wahmáni bánzolán próshay É kalátán cheret názénantPa kay sawtáni mohragán próshay Pésh dárán kayá delay chondhánTaw wa rájáni sannatán próshay Gazz kawray sorant tai gégánáParchá chó nagdén loddhagán próshay Na hatam rang dant darig Sarjamá Bwány
Zánag o bézántiay hál ent maniGolzemin dhongáni pádmál ent mani Rájay shiwár o tamardén sarmachárChórahén chokkáni diwál ent mani Taw sará sengá bejan, kahrán bogwárÁjuiay embari sál ent mani Rostagén pegray hamok lahdhén hayálGawharén labzáni dapgál ent mani Wahday chakkásá hamok paddar HanipDel pa ommété galá bál ent mani Hanip Balóch