Shap bójigé sázag bit
Wáb cherágé hálag bit
Gwátá josté dastá ent
Daryá chón bádénag bit
Tai malgóray kaypay mojá
Bégáh chammé srumag bit
Áp kawárá nesht nakant
Ás delá pahrézag bit
Anchóke taw rást goshay
Dróg ón anchó bandag bit
Gwátá maktab matth kotag
Ásá rasm, rabédag bit
Gón má zendag bu zánay
Lahté zahr hawádag bit
Sénag halké ábádén
Mehr mabit ta kénag bit
Labzán harkas setr kotag
Gongén ahd wa chédag bit
Zébái tai ranj mabit
Del wa padá répénag bit
Incho cherágáni nyámá
Tahná shap delwárag bit
Monir Mómen
(Yakk Bechilé Ázmán)