Taháriá gamay lashkar, cherág tahná ent
Cha rozhnay ásjahá dar, cherág tahná ent
Shapay gobárén anichak satar tahárdém ent
Maná cherágay wadhá bar, cherág tahná ent
Abétk abétk goshay bé taw kollén jáh o damag
Padá kadi kanay wátarr, cherág tahná ent
É shahrá kór sarók ant o kór rahdarbar
Gelag kanay nakanay sharr, cherág tahná ent
Talab kassá na wapáay, na wáhagay ganjay
Edá mogém chadh o zarr, cherág tahná ent
Boraw boraw ke pa taw kalkashán o máh zarit
Majall majall mani delbar, cherág tahná ent
Shapá jetáiay ásá pa rozhnay chakkás ent
Kadi balit é delay char, cherág tahná ent
Man róchay sarjamén bálád Kázi sótk bale
Cha bámay sar geragá sar, cherág tahná ent
Mobárek Kázi