Arsé cha didókán tai, pollé cha malgórán tai
Byá byá mani sáhay badal bázén gamán kór án tai
Gón taw ke man kégad mani sáh o saray sawdá kotag
Har sakkiá tai hamsapar, har moshkolá hór án tai
Miruay dazródén keshár pádmál kotant bézánagán
Kassé magendát Bálgatar béhájatén górán tai
Soddá naay oo bésamá ke láp táwán ent tará
Ji mehrabánén náhodá armán pa máhórán tai
Taw yabbaré lonthán sorén kawl ent maná warnáiay
Saggán delay johlánkiá dard o gam o dórán tai
Tai áshek án tai Kázi án bándá cha é halká rawán
Bass yabbaré góshán bogosh wábáni bánór án tai
Mobárek Kázi