Maná machár pakiriay jandhén shálay tahá
Man bádsháhé án balkén wati hayálay tahá
Watá napahmetag sharriá dánke ensáná
Á drachk wáb nakaptag wati nehálay tahá
May nókrostagén warná namannant é gappá
Ke dód rang chenant ahday sherk o pálay tahá
Damáné band nabant shahray halwat o soksok
É chónén kessahé chér ent tai suray hálay tahá
Proshit wahdé mani sháeriay mastén kayp
Goshay ke simm sorózay sedant damálay tahá
Jahánay záheri didag maná kojá polant
Ke zend chón gwazán ent mani zawálay tahá
É bahtay prósh goshag bit ke wahday bájui
Proshit wahdé mani bánzolé ke bálay tahá
Manzur Besmel