Hayálay kánchay bádgiré sharr kotag, taw sharr kotag
Gón bézobánén bándhomán habar kotag, taw sharr kotag
É chár róchay zendagi ent harchi del goshit bekan
Hamá nakortagén gonáh dobar kotag, taw sharr kotag
Man chó kadi nagoshtag pahk taw maná shamoshtagay
Baré baré hayál gón man gwar kotag, taw sharr kotag
Cha tonná jusaráni morg áp nastagén merant
Choshén zebahrén mósomá sabar kotag, taw sharr kotag
Tai neshán Kázi gendagá nayayt mán daptarán
Cha padgoshén zamánagá sapar kotag, taw sharr kotag
Mobárek Kázi
