May hodók o wáhag o hobbáni chamdári nashot
Cha mani námá tai thahláni bézári nashot
Kayt pa sayl o nedárah á mani kabray sará
Inchokén káréá parchá sáhon payrári nashot
Eshtagat bágén bahesht o lezzaté lóthet cha zend
Wáay kesmat zend shot may angatá wári nashot
Koll shotant pákén Madinah, hur o Tubáesh raset
Tálehá shirén Dokormá cha wapádári nashot
Taw bechár shánáy ke mortag angatá mallit Karim
Sar mán hákán kaptag o pegrá cha sardári nashot
Karim Dashti