Cherágpóshén ométáni páspán bayán*(1)
Man ázmáná cha laddhán o ázmán bayán
É kóh ke shiragán petthénit shirkeniay wati
Man shahray kocchalén kaypán ché béenán bayán
Tai didagáni balókén basháratán cha jotá
Maná gomán nabutag ke bégomán bayán
Mani tawár tai bádgiray sháná jombénit
Boté naán ke mán chárráhé bézobán bayán
Dán ás chammay abélá watá nadant jágah
Kojá é kawr rawániá sháhegán bayán*
Man chincho rangá rajéntag watá pa tai rangán
Baré ketábéay sarpósh, baré kamán bayán
É kóh o kawr tai pádáni bósagán pa zarant
É kallagáni anárpoll gimorán bayán*(2)
Kapótéá maná gayábánay goshtagat Kásom
É kóh chedán cha beladdhant man bézobán bayán
……………………
(1) *Bayán bezán “bán”
(2) *Bayant (bant)
Kásom Armán
