Del chó sorózá sáz bit, tai tránagá wahdé kapán
Donyá cha man náráz bit, tai tránagá wahdé kapán
Man kahr bán, del bahr bit, wayrán mehray shahr bit
Yakk tránagé sakk báz bit, tai tránagá wahdé kapán
Tahná man bé taw gár bán emrózay danzáni tahá
Harchi padá shóház bit, tai tránagá wahdé kapán
Tai yát pa man chárdahi máhé tahármáhén shapán
Sáheg maná ambáz bit, tai tránagá wahdé kapán
Kázi delá naksh ant tai diwán o majles pésari
Harróch gapp o wáz bit, tai tránagá wahdé kapán
Mobárek Kázi
