Kawsh meskáni bégahay shár ent
Máh mani chammán róchay deshtár ent
Mehlabán málit chandanén dhilá
Sarjamén donyá mesk o átár ent
Zérbár án gón wáhagay dódán
Sar mani jenday kópagán bár ent
Dar kapant saylá gam pa sawdáé
Del zahiráni halk o bázár ent
Anchó zórák ent marchi baniádam
Wat wati jenday gardená swár ent
Dróg chó róchá ázagén drapshit
Rást shapay danzáni tahá gár ent
Man hamá tahná sál o karnáni
Kay mani hamráh, kay mani yár ent
Taw benend tahná sál o jammárán
Man rawán kammén démterá kár ent
Róchá ham estárán hesábá ent
Taw goshay Kázi angatá sár ent
Mobárek Kázi
