Émeniay satá wáhagáni sadap
Byá o é rangzáray tahá ér kap
Mehray ótág zort o pa taw gwaptagant
Alwatáni kodó
Dráhiay rahsarán rostagant názbó
Anchén kaypé cha shénkáni chammán rechit
Hir o enjir loddhant o sawté janant
Shirén béwánkié shengit damk o darán
Del goshit
Marchi gwátárá pádink pádá beday
Del goshit
Máhay péshániá syáhén thekké bejan
Éoká neshtagán wahdé jédhán tará
Cha masitéay borzén hamok kongorá
Bénagén nuréay ábasháré ke jahlád bit
Taw chó táhiréá ér réchay may delá
Didagon band bant
Didagon band bant
Rangzárá pa ráhé bojit
Sar mager ér kap
Émeniay satá wáhagáni sadap
Byá godhá man o taw
Gón baheshtá wati nendén talli saré
Gwátay pádinkay zémer shalit
Máh kotthá tai ér kayt
Káyant estál
Gón ástinkay tai dóchán adhant
Rangzáray drahén rang may andará retkagant
Del goshit ér kap
Ér kap
Eméniay satá wáhagáni sadap
Monir Mómen