Man hamá kandilay paymá rozhn báléntag wati
Bálóán chágerday cha man ráh sázéntag wati
Nan por o nán ditki tandé pa nesháné mánetag
Sotkagén bálád tawámén dóstán náméntag wati
Mirku o rishkandán halkaygán sará zortag maná
Pa haridárén porán pa lóg báhéntag wati
Zánag o zánt ent gón zambán báli morgáni wadhá
Hoshk o tonnigén tamáhay nokk táméntag wati
May tabay sarhayliay angat naproshtag mohkami
Hambalán magráni belly agl táchéntag wati
Chamm pach ant pa kórdidi rahbari nám kasshagá
Má ón Gol arwáhá zenday zahr cháréntag wati
Golám Mahmad Gol