Mahrang, mahlekáh, mahdém, máhay darwar
Byá mehr o dóstiay é jámagá lagóshán
Taw ham watá shamósh, man ham watá shamóshán
Man tai hayál o yátán kasshán cha tránagá
Taw ham delá cha dar kan péshi zamánagá
Taw ham dege baré yátán mani makap
Man ham delá wati sahdhénán jagaray kapp
Man ham goshán ke drógé é mehr o dósti
Taw ham bogosh manárá bémehr o béwapá
Man ham tai sharbati chammán cha sar gwazán
Taw ham á gwastagén róchán delá mayár
Man zurán tupaké béáp o tóshagá
Borzád bán pa kóhá ke ráj bazzag ent
Albat tará razá ent mahrang cha maná
Yakk nókén hambalé taw pa wat shoház bekan
Mobárek Kázi
(Janwari-1983, Karachi)