Wasshián sóch tai gamay korbán bán
Man pakiri jágahá soltán bán
Taw mani bay, máh zeminá ér kayt
Bazzagén mardom godhá hayrán bant
Taw ke káay malgozárá mósomay
Kawsh kasshit, nód ham sáchán bant
Á pa bechkandé delá tarrént kant
Man padá zahrán warán wasshán bán
Á napahmit shayray názorkén tabá
É mani ganjén gazal táwán bant
Hokkahá kant gawharán dáná, delay
Á ke arsán dar kanant nádán bant
Wahday marham, Zámen, dorsán dráh nakant
Lahtén thapp kabrá rawant darmán bant
Zámen Morád