Ji kapót loddhók o sobakbálén
Morg zahiráni trah shakargálén
Day maná ehwálán golén lálay
Thithal o dábáni zabádmálay
Ke del mani bébud o jagar résh ent
Sar mani bésár cha gamán géshén
Prósht maná gégé bégwamén zendá
Dát ajab chakmóth jend mani jendá
Mortagén báláday ger o chilá
Ásé mán dáshtag mohkamén dhilá
Hamsar o hamrahán gesar bitán!
Kot maná bégwáh bénapén sitán
Chón shamóshán man émenén halkán
Ratkagén gwárch o áhenén talkán
Chón kanán shahjuán wati béhál
Dhaddhará sad bar chest bant chihál
Kódeki layb o mán marágáhán
Chón shamóshán man trámbalén náhán
Gir maná káyant sakk koner lobbén
Sáh hamá jáh ent ke hamód hobb ent
Bass kan kukuán morg zahiráni
Zyát tará gón ant dwá pakiráni
Cha gam o andóhán jagar trakkit
Sar golay ogbálán chetawr rakkit
Golám Hosayn Shóház