Ágahiay chammay wáb án yár man
Wáhagá tai tachk o táb án yár man
Taw mayá ke barp ent chágerday badan
Bass bechár ke máhtáb án yár man
Bit donyá gár shóházá tai
Taw ke raptay nun kojá bán yár man
Máh o estálán mani gam wantagant
Chér dátag del ketábán yár man
Hecch namantag béde yakkén dróshomá
Yár daryá, yár gyábán, yár man
Angatá gón mehrá tai hamdap nayán
Bell ke ach wat ón jetá bán yár man
Man Monir nókén gonáhé dar chetag
Bass wati paymá azáb án yár man
Monir Mómen