Má Balóch parzend én, may dayár Bólán ent
Kongorén shahidáni sardhagár Bólán ent
Eshiay bolandén tholl dán kyámatá chest ent
Rájdaptaray tákán yátgár Bólán ent
Pa wati watan mátá ásrátiay jangá
Harkasi tahá hast ent sarmarchár Bólán ent
É kalandarén kóhá kassi háteré per nést
Sarjamén mayárán cha bémáyár Bólán ent
Zendagén Balóchestán gón bahádorrén bacchán
Jawrén washnayatkán pa ásgwár Bólán ent
Dur naent watan Kázi dozhmenán cha áju bit
É habar kayá goshtag bétawár Bólán ent
Mobárek Kázi