Má gón dardán mosáper jalán bitagén
Shap tahár at pa ósté balán bitagén
Nawbatay del goshay tiréá soptagat
Téwagén ahd andóhán mán roptagat
Sohbay zébáén bayrak ke sarjahl etant
Bénagén bégahay rakk ham tahl etant
Gwátá pétkag zeré machkadag roptagant
Morgán bass mósománi gelag roptagant
Dawr nadát tonn wati hecch shanday sará
Góshá shézáretag ápbanday sará
Zendagi chó ke tawká nakot má gwará
Róch cha hónay daryáyá kasshit sará
Sietag wahd emrózay del ném bit
Máh jónáni kóhá cha andém bit
Zendagiay abétkén negáhán machár
Kass nayayt ent é wayránén ráhán machár
Nókén chádhé o kaypé maláré bebit
Golzeminá gón kawl o karáré bebit
Zenday bánóray zahirán merag lázom ent
Sangatán hay kanet sar gerag lázom ent
Gón tai zébáiay tránagán sar gerén
Ay watan róché pa taw má sad bar merén
Monir Mómen