Bell yár jangaláni tahá gár butagant
Bázár jangaláni tahá gár butagant
Sahrá ke wahdé butag mani golzeminay gam
Estár jangaláni tahá gár butagant
Chammáni shishagáni tahá sanj botkagant
O shár jangaláni tahá gár butagant
Torsé ke má kabassá kot o démáy neshtagén
Pajjár jangaláni tahá gár butagant
Didag tai zébnákiay áwázá dar kapant
Rahchár jangaláni tahá gár butagant
É rahsaráni kaptagén mohrag chagóg atant
O már jangaláni tahá gár butagant
Chont wár chamm wáhagay pollán shoházetant
Chont wár jangaláni tahá gár butagant
Sháhén nasib dróhetant rozhnáén dámonán
Darbár jangaláni tahá gár butagant
Tálán ent bétawárié damk o darán delay
Kukár jangaláni tahá gár butagant
Kóháni dard jonzetant daryáay némagá
Áchár jangaláni tahá gár butagant
Óstáni doshtagén é negáhán nun mán ché
Didár jangaláni tahá gár butagant
Má kwahn o nókén zaym wati zort o atkagén
Káthár jangaláni tahá gár butagant
Á róshnáén shahray tabibán boraw bogosh
Bimar jangaláni tahá gár butagant
Bass yár gón nabutagant má shahr yal kotag
Bass yár jangaláni tahá gár butagant
Sakrát wahday chawl janán ent mán kaddahá
Hinár jangaláni tahá gár butagant
Harchi gesar kapán ent cherágáni sáhegá
Shapdár jangaláni tahá gár butagant
Ché gón tará Monir ke wátarretay padá
Ázár jangaláni tahá gár butagant
Monir Mómen