Tahnáén kunjé zahir tai
É ázmánay shishagén tambuay chérá sawt jant
Dánké é donyá ágah ent dán báz dérán sawt jant
Sawtáni hir o pópalán
Gendán chó pollá sraptagant
Keshkáni delbanday sará
Kádhi malárén didgán
Tahnáén kunjé zahir tai
Mónjé wati sonthá rajit, dardé patáit bánzolán
Maymáni ázmánay sará bál ent chó arshi doldolán
Hastiay gyábánay delá
Chó ke cherágá rók bit
Har tostagén del bód kant
Har chamm kwahnén nók bit
Tahnáén kunjé zahir tai
Kayt záperánén digaray arsáni ásay nóshagá
Yakk ásheki ekráréay jigbanday tonnay próshagá
Wahm o gománán namb jant
Saht o damánán namb jant
Hóshámá bakshit zendagi
Shár o goshánán namb jant
Tahnáén kunjé zahir tai
Monir Mómen