Gwátay hamráh bán
Chó tai bikáni mán shántagén wazhbóán
Gón bazén jambarán
Dém pa kóhán rawán
Mohkamén sangarán
Tankén zhimb o garán
Borzén sartholl o shatkén dhaláni sará
Sheng bán har gwará
Chó wati makkahén golzeminay shahidáni hónay wadhá
Gir kárán mazanzahragén Agbará
Koll hamá ke watan mátay ráhá shotant
Seng o dhókán man chokkán o dárán delá
Chó ke Shóházay per bastagén lacchahán
Man mabátán mani mahramén hambaló chincho jaldi shotay
Marg barhakk bale zendagi chón kanay
É sapar éoká borragi ent maná
Mobárek Kázi