Man zolmay ráhá ás, delá ásáp kotag
Man ás kamátag johday sechkánén kessah
Man pollé keshtag johday talkárén lonthán
Man arsé wantag zolmáni zhandén darsán
Dán sipáráén johday dámon dargáhé
Man yági bán pa áshóbay meskén námá
Dán zolmáni rózardá róch sahrá bit
Dán sánkalbandén shap ke bámá sojdah kant
Dán pollán rangay nókén mestagé sar bit
Dán kawshá majlesbuén donyáé gón bit
Man zolmay dastá ahday gwátá gár nabán
Man nókén róchay nókén johday kandil án
Man paywast án cha sad sálá róchay rangá
Man áshóbay hónáni daryáay chawlon
Man mehray jangal ásay gón ápá shoshtag
Man Báláchay námá rozhné máhá zortag
Man Gwahrámay kanjar hónay jotkán shoshtag
Man Dódá, Hammal, Bibagr, ahday páspán ant
Man Kambar kawlé keshtag zerday tohmkárá
Chó áripén Agbar, Méngal, Hayr Bakshá man
Chó Wáhed Kambar, Háled, Bálách, Bráhondag
Man ázátiay “esme ázom” dar bortag
Man zórák án chó “Yásiná” arshay zórá
Man pédák án chó wahday ragbárén tirá
Man watwájahi rozhn o róchay páspán án
Man johday bayrakdárén zenday parmán án
Man zomzom shórák arsén mátay armán án
Rapik Nawáb
25 Parwari, 2008