(Sawt)
Ládho ladho, ladho ládho ladho
Mani sabzá bogosh, maná wassh nabit
Dur maraw, dur manend
Maná bé taw nabit
Maná cha wat masend
Tai lógay dapá
Tai táp ent goshán
Maná gomsár kant
Jáni tai gollay neshán
Ládho ladho……
Man Sendá rawán
Shankon Lálay sará
Par taw kawlé kanán
Jáni man gwaské koshán
Ládho ladho……
Tará dárán delá
Jáni man thithok chenán
Pa taw man Jehlomay
Sóni mottán gerán
Ládho ladho…..
Mani sartáj delay
Mani hosnay hodá
Bekand tai kandagán
Shankon lakk ant bahá
Ládho ladho……
Baré taw Sassi ay
Baré Bambur án man
Baré majbur ay taw
Baré majbur án man
Ládho ladho……
Baré man Shay Morid
Baré taw Hanol ay
Man án barray kahur
Mani ás taw del ay
Ládho ladho……
Mani Kábah o dóst
Mani Kóhe Morád
Maná ér kan delá
Maná gón wat bedár
Ládho ladho……
Bezir Sarbáz tai
Jene(kk) Shiráz tai
Tai Kéch o Neheng
Jene(kk) tai Záhedán
Ládho ladho……
Golám Hosayn Shóház