Wahdé ke sambahit tai bálád delbarén
May gamjatén delá chó goshay ás o angarén
Kad bárén chón dar chetag rang o dánagay
Man ché kanán satá hamá dastáni mehterén
Háké, boté yá nuré sázók kay bezánt
Bargashtag cha hodá ón wati diná káperén
Sammol gón jódhén dróshomá kant Mastá bésamá
May béwati tai dottokén báláday ásarén
Bóé rechit pa man ke Gol siri mannahé
Dranzit darámadé may sará bó o ambarén
Golám Mahmad Gol