Gwáderén zenday abétkén rahsará
Del gón Bátélén zahirán chér o sar
Chest bant páhár chawláni gwará
Kaptagén arwáhay átrápá proshant
Golzeminay mátén meskén hák o dhók
Ke may chammáni sártén srumag ant
Pa do kaldárá delá bakshátagant
Mát o pet, zahg o jan, o brát o gohár
Néstiá bémósomá parmátagant
Nán pendhant mán wati jenday gesá
Drostén wánendah ke hákay wájah ant
Dar pa dar pa rózgárá wándhah ant
Kay esháni gongén peryátán begipt
Kay esháni zagrén arsán dam bekant
Kay esháni dard o dórán kamm bekant
Mobárek Kázi
(Háni Mani Mátén Watan)