Dazgatth án cha sim o sanán
Neshtag laybu jódh kanán
Marchán ach taw béhál án
Marchán gón wat gapp kanán
Chamm gón pádán deltang ant
Del dróhán ent golbadanán
Wahday pódhá bórénán
Drachk o dárán shayr kanán
Dér ent tarr o gard nabit
Dér ent ke man béwatan án
Sar geragi ent, tóshag nést
Margá wati man rahn kanán
Chincho kabr bokóchán man
Dánke watárá dar bejanán
Móh nabit ke tazhnán tai
Byárán pa wat sar bekanán
Monir Mómen
(Yakk Bechilé Ázmán)