Mehray soráni sá, ray, gá, má, sáz taw ay
Zaymén deláni porsózén áwáz taw ay
Márá har dam werd zobáná nám tai
Má tai gonahgárén bandah, damsáz taw ay
Sar dán boná har chizay tahá taw mawjud ay
Belly tai nawad o noh nám ant, báz taw ay
Taw Rahmán ay, Taw Sattár o Gappár ay
May pehmyánén rázáni hamráz taw ay
Baksh wati é bérahbandén Káziá
Ráh taw ay, rahshón taw ay, shóház taw ay
Mobárek Kázi
(Háni Mani Mátén Watan)