Kóh o gyábán, damk o daryá róshná
Taw cherágé ay, tai donyá róshná
Sambahant bandén darigáni nasib
Chamm salámat har tamáshá róshná
Byá zemestán póshagá ent métagá
Byá manárá ás pédhá róshná
Mortagén mardáni armánán kotant
Rotkagén kabráni dhiwá róshná
Yal nadátag man tai námay gerag
Gwátá kortag har chedhekká róshná
Sohb bósit shengén malgórán tai
Shap chedá raptag, nun pád á róshná
Pésará man pa taw bálet del wati
Butagant estál randá róshná
Taw ke jonzay, jonzant máh o róch ham
Tai mosáper, kawshay har tá róshná
Drapshay taw wábáni hankéná wati
Man wati kawláni démá róshná
Harkojá chárán Monir gendán watá
Mehr tai ádénkay paymá róshná
Monir Mómen
(Yakk Bechilé Ázmán)