Márá zébáiay bangáni malárán geptag
Jágahé sáz sawásán gón may mán adhant
Jágahé rang may dámonay lambá dárant
Chamm keshkáni damáné agan pa má bekapant
Káyant tai mahparay pécháni tahá chér bayant
Márá zébáiay bangáni malárán geptag
Labz shap kaptagén é halkay mawáláni wadhá
Ach watá dur rawant o watá shóház kanant
Jédhagán proshtagén darpé wati hankén kotag
Dur óshtátagén góyák nedárah chárit
Márá zébáiay bangáni malárán geptag
Kad zamánag tai dócháni wadhá zébá bit
Bégahay nód tai zolpáni salámá byáant
Gwát harróch besendit wati kawshi táé
Pa tai bu o bosán ján o gobárán bomoshit
Márá déwanagén chágerday hazánag gón ent
Wahdá dast bastag o sar jahl kotag óshtátag
Marchi cha durá gedáré má watá maym kotag
Márá zébáiay bangáni malárán geptag
Daryá gégán kanán ent tai krám o dábán
Mani donyá mani arsáni wadhá roshná ent
Nód sáchánén tai hambu o meskén ahd ant
Kángadhawáni wadhá ásheki zaipén dwá ant
Rahsar o damkán goshay bál dátagant zahgán
Pád ázmánay sará ant o zeminá chárén
Márá zébáiay bangáni malárán geptag
Monir Mómen