Ali Parwáz diwánay járchén ent. Hásén mehmán Dr. Hanip Sharip ent o págwájah Wáhed Shóház. Jágah Wádi Hawz ent.
Diwáná Ahmad Abdálá may Petthókay sháer Jamil Didáray ketáb pa baháyá gón ant.
Táj Balóchá Góldhlip segréthá sutth pa sutth kotagat. Man gosht Táj, gásléthá dawr day gón. Á hayrán but. Man padá gosht ke laythará mani némagá shánk day gón ke wati segréthá rók kanán. Á kandagá lagget ke gásléth.
Manzur Besmel, Nazir Náseray anchó kashá neshtagat ke mardomá gosht áiay nomásag ent.
Háled Tagráni, Monir Tagráni, Ali Ján Dád, Hamid Dardig, Besmel, Ali Parwáz o Mahmad Didagá shayr want. Nazir Náserá chárbandé want o wati do náwalay sará gapp jat.
Hásel Nurá sawgend wártagat ke shayr nawánán. Sangatán báz mennat kot. Áiá záná paysalah kotagat ke shayr nachalit.
Pasht kapt hásén mehmán Dr. Hanip Sharip. Áiá do randá wati rástén dast wati midáni tahá bort o áort. Balkén palsapi gapp etant. Má sarpad nabitén ke dáktará ché gosht. Wáhed Shóházay shayray wánagá rand diwán kotthet.
Batth árag bitant. Man yappaymá Hanipay némagá cháragá etán ke gapp palsapi jant, balkén batthán ón palsapiáni dhawlá wárt. Chárán ennán, á may molki mardománi rangá batth waragá ent.
Ahmad Abdálá gosht bale yakk ryálé kamm ent. Anágahá Nazir Náserá gosht man wati ryál tará dátag. Man gosht Abdál! É Náser ent. É tará hamedá kall kant, taw sahi ón nabay. Sangat shoru bitant kandagá. Ahmad Abdálá padá gón Nazir Náserá gosht tai kissagá zánán kadi ryál dar atkag ke anni dar kayt.
Má Gádhiá sawár but o rawagá laggetén. Gádhiay tahá sangatán gosht: Sattár! Hanip Sharipá ché gosht? Man gosht shomá ón….
Sattár Sani
Sattár Saniá báz wassh nebeshta kotag.
Salámati