(Kawle Ershád Parwázaygá)
Moshkwárén sháhiné, róchkóragén goggu, drost yakk hesábá ant
Wájahay gesay mendhok, gozhnagay daray gollu, drost yakk hesábá ant
Bánkalénk o gandim ant yá ke kóhalén máké yá ke kallarén ápeshk
Jósh dátagén pendhál, lahdh dátagén álu, drost yakk hesábá ant
Syásatay habar ke bit nést majál kasséá drost butthay chérá ant
Kór bit yá karré, kánthi bit yá kotthu, drost yakk hesábá ant
Anchó mán sherdéntag márá é gathargandán ke damukah ent harkas
Gitt bit yá pupu, mess bit yá susu, drost yakk hesábá ant
Gapp enkelábiay, kár o kerd jangólay, thahk o thók dalláray
Bésarén batháku ant, hoshkén ások o dudu, drost yakk hesábá ant
Yakké pithiái ent, yakké Englesh thichar, yakké bit hedhmásthar
Yakk bachakké wánókén, yakké dhall yá boddu, drost yakk hesábá ant
Manzur Besmel