Sardáriay sherr o badán molkán wati pahréz
Cha Kéch cha Sarbáz cha Bampur cha Láshár
Cha Kéch cha Sarbáz cha Bampur cha Láshár
Bésardarén rájwájahán áripi bahá kot
Zarbandagén rájé tai zarbandagén rájdár
Zarbandagén rájé tai zarbandagén rájdár
Górom tai gozhn-ádrohén kóshig na dóshig
Zár pa mehén gówálá cha dhakkár cha traddár
Zár pa mehén gówálá cha dhakkár cha traddár
Chákargwajén Gwahrám ke Gwahrámjatén Chákar
Nay Háni o nay Gawharay pólengán cha palgár
Nay Háni o nay Gawharay pólengán cha palgár
Námáni Kalát Yárokay badzerdiyán báhént
Dratkag mán Kalátay kabasá tutién hawkár
Dratkag mán Kalátay kabasá tutién hawkár
Cho mastén ladiá ant pa tai hajgén shedámán
Bésardarén sardár ke rahdarbar o sarkár
Bésardarén sardár ke rahdarbar o sarkár
Golbangalén warná pa dapáré o pa dánké
Band ant o dar ant tólagi enzár o kapendhár
Band ant o dar ant tólagi enzár o kapendhár
Sayad Háshomi
