Incho Makan Bésár

Sayad Háshomi June 7, 2025 90 views

Incho makan bésár manárá
Incho makan bésár

Del goshay sestag arragén dásán
Ér ent mán sohrén angar o ásán

Moshkolé gránén ke nabit ásán
Gón kayá jédhán mán shapi pásán

Kamm nabit páhár
Incho makan bésár manárá
Incho makan bésár

Hánol agán gwápán wati randit
Syáh o tahárén jambaré bandit

É delá bandán cha mani sendit
Pa mani bahtá syáhié kandit

Bastag gamán enzár
Incho makan bésár manárá
Incho makan bésár

Kassi sará chó kóh naproshtag
Kégaday andóhán maná droshtag

Angat ham del man chái nashoshtag
Wassh bay Sayad bélán maná goshtag

Kayt gamán hár
Incho makan bésár manárá
Incho makan bésár

<em>Kalákóth, Karáchi
23 Jun 1953</em>

Sayad Háshomi

Hamrangén nebeshtag