Dushi Kortagon Ekráré

Sayad Háshomi October 22, 2025 114 views

Dushi kortagon ekráré
Zortag kópagán yakk báré

Malgór chokketag ahdáni
Zántag bédamén syahmáré

Andóhán mazárbiménán
Bastag pa maná enzáré

Thappán ázagén béwári
Dar shot zumsarén kátháré

Basshi kókerán sar kashtag*
Pédák ent gámáni háré

Hánol pa tará chammán ent
Grán o moshkolén har káré

Hónshanzén delay résháná
Per dáshtag padá angáré

Kaptán tránagá dóstaygá
Chest butag delá páháré

*kasshetag

........................

Kalákóth. Karáchi
5 Mai 1953

Sayad Háshomi

Hamrangén nebeshtag