Mani rang o nuray bánok, mani mahpari teláhén
Cha man dur dur tarray, mani ché bogosh gonáh ent
Maná gón ant álamay gam, maná dard drahén jahánay
Mani dozhmen ent zamánag, mani gón maná hodá ent
Tai bu o názay shaydá, tai dróshomay man kawlig
Pa man máhekán tai kandag, mani del pa taw pedá ent
Maná dar makan delá cha, maná didagán benádén
Man án tai delay hazánag, mani dóst gránbaháén
Maná shankon pa wat Shóház, maná dar begéj pa wat
Tai didagáni rangá, tai pa watá sabáén
Golám Hosayn Shóház