Dar begisshán wáhagay trondén ger o bandán chetawr
Ahd o ekrár o hazári kawl o sawgendán chetawr
Béwasén zendá agán gah kot maná dargwaz bekan
Róché sad bar proshtagén ahdán tai, nedán chetawr
Chamm mani bérók butant ráhay bázén cháragá
Ni agán káay mani didag tará gendán chetawr
Tránaget é sestagén delbanday bandókon kotag
Tai zahirán cha wati shummén delá sendán chetawr
Hir dant ent shap jetáiay chó margay préshtagá
Bé tai óstá man saggán zenday gawrgendán chetawr
Móh nadant tránag jagarsendén ke delgóshé kanán
Shahd o shirén, jawr o tahlén gál per bandán chetawr
Washnayatkáni radén kár ant saron rahn ent angat
Tán namókány mayári chóthawán randán chetawr
Wazhdelén bárig bortant Hánolá gón wat Sayad
Grétagén chamm o lagatmálén delé kandán chetawr
Sayad Háshomi
Bahrenay Trahjáh
Sayshambeh 5 Agast 1957