Chawl chawl mawján gón máhekán daryá ent
Kay bezánt shoházá kai sar janán daryá ent
Chó goshay gón áchárán jalwanákén yaddár ant
Gón teláhén estárán ázmán daryá ent
Wáhagáni zerwáná tramp cháderá bastant
Mayg o tai ométáni zendmán daryá ent
Má delá yakim én ke márá menzelé sar kant
Pa may gárén bójigán rahneshán daryá ent
Marchi béhesábá réch lál o gawharán chammay
Kázi gón tai arsán mehrabán daryá ent
Mobárek Kázi