Kassá kassi dard delá nést goshtag man
Shahrá mardom nést wapá nést goshtag man
Man chó goshtag ázmáné hast ent sabzén
Ódá bárén hast hodá nést goshtag man
Jangal dráhén bázár ant, gár ant jangal
Shahrá hecchi áb o hawá nést goshtag man
Tai bechkandán dráhén tahári rók kotag
Chónáiá máh edá nést goshtag man
Tai yátáni donyáyá ábád án man
Marchán hecchay hósh maná nést goshtag man
Bass dóstáni gapp ant chó dhangá tawrant
Ástunká hecch már tahá nést goshtag man
Ershád Parwáz nazzikiá dér nakant
É mardá gón kassá gellah nést goshtag man
Ershád Parwáz