(Atá maná pehel bekan)
Hamá ke wáhagáni rázdár atant kojá shotant
Hamá ke may deláni dardwár atant kojá shotant
Nakortagesh gón hecchkasá kadi zamángay gelag
Hamá ke gón tawárá bétawár atant kojá shotant
Hamá ke mehray jolgomén zerá nabutagant paná
Hamá ke bésharábá ham homár atant kojá shotant
Hamá ke jambarán hawár, gón pollán hamnashin atant
Hamá ke gwátay markabá sawár atant kojá shotant
Hamá ke áhán móré ham nakortag cha watá shezár
Hamá ke wat wati sará tayár atant kojá shotant
Hamá ke bahr bahr atant wati tahnáiay tahá!!
Hamá ke “yakkay” dróshomá hazár atant kojá shotant
Mobárek Kázi