Mehray Kessah Halás

Hón arsay badal
Sárt oppárag ent
Del chó ásá bon ent
Dard gwárant chó abrestagén jambará
Gam chó birá srapant
Bam chó kóhá kapant
May morádáni pákén jabinay sará
Dur tahnáiay lonjén wayránagá
Máhekánén shapán
Rók bant o merant tránagáni cherág
Bramsh dant tai zahiráni kandilay watth
Tai hayáláni poll zerday bágá srapant
Gir káyant maná gwastagén wahd o pás
Zerday sardaptarán
Mehray kessah halás
Del sochit békesás
Omray ásar kayá zánt é rang bit
Del chó gomnámén sardáréá tang bit
Mehr ón pársang bit
Dósti pa bahá
Eshk pa sang bit
Dahray bázárá agl o delay jang bit
Zendagi tang bit
Bétawárá proshant
Wáhagáni kalát
Del hazár bahr bit
Zendagá márá naylant jagarborrén yát
Dambarant bél o brát
Chamm chó kawrá shalant
Gam chó ásá balant
Dóst o dozhmen gal ant
Óhay bézánagi!
Wáay bécháragi!
Zár pa rad kapag
Del sochit!
Del sochit!
Del sochit békesás
Mehray kessah halás

Mobárek Kázi