Baré yakk hájaté sáyán baré nókén gamé ménán
Maná darmán berépénit o dardé man berépénán
Sagáré, markabé, kabré na dáwá na gobáré hast
Kay ent anga sorénán kant mandilán negárénán
Hayáláni damag sabz ent o wahmáni ramag tálán
Zemin chó ázmáná ent o dardán shénk chárénán
É del é mehlabén rangáni áddirah salámat bát
Agan mósom bematthit man dege nimmóné bádénán
Kojám keshká á wátarrit, kojám hankéná menzel kant
Damé pésar byatkénán yá sahté pash bekapténán
Tai óstay táhatay setká baheshté sázetag pa man
Negáh chó sojdagá dratkant darigán bénomázénán
Hamá armáná roshná kan, hamá kwahnén delá bálén
É shap dán menzelé bortag cherágán nókgáménán
Monir shaydáén morgáná mani halkay amánat gón
Hatam mán bánzolán pétkag kapótán delgayábénán
Monir Mómen