Hón dátag o drachk bar kotagant
Má padá bér kóhán sar kotagant
Eshk wa yakk baré bit balkén bale
Lahté kár ant ke má dobar kotagant
Man mayárig naán o taw ón naay
Rang donyáyá béasar kotagant
Hecch tamáshá tará cha pad nakotag
Bass tai nimóná cham tar kotagant
May mayár ent ke do ketábi ganók
Zortagant ázmáná sar kotagant
Jang karzit tai badan jánán
Má wati dast hóná tar kotagant
May shapay kessahán nazánt kassé
Tir pa dozhmenán napar kotagant
Lahté gapp ant ke yabbaré bant bale,
Sakk nagég án ke man dobar kotagant
Jang o áshóbay nyámá bámardán
Ges wati zortagant kabar* kotagant
Béwasi béwasi ent báwar kan
Má talab zortagant sabar* kotagant
É wadáré naent, yakk waylé pa taw
Hón shántag o chamm dar kotagant
Andará kasé mótk jant Ázer
Tai tawárá nun gósh karr kotagant
Ázer Morád
- Kabar bezán kabr
- Sabar bezán sabr