Del gón armánán ajab mán gisshetag
Bédayárén zenday tab mán gisshetag
Man é del pa zendagi tráshán kotag
Chó hayáláni katab mán gisshetag
Daz janán chizzé o chizzé gár bit
Bé tará kár o kasab mán gisshetag
Laddh o bárén zendmán bésáheg ent
Tarr o mántarrán Halab mán gisshetag
Má watá gisshént, gisshénán shotén
Róche marchigá talab mán gisshetag
Béryáén shayray zahgárá wati
Má nawánéntag adab mán gisshetag
Zendagiay dám ché zánt sherr o sharr
Béadab, bálánasab mán gisshetag
Tai ganók wayrániay ráhay sará
Mekk bitag chó kadhabb mán gisshetag
Hónén dastán ahdéay démá moshit
Pahr kant Jádhu Jalab mán gisshetag
Chó ke daryá chammay shahrá brahnag ent
Éokiárá bedhabb mán gisshetag
Gón taw nazziki choshén gappé naent
Tai jotáiay sabab mán gisshetag
Abdolláh Yásin